Pogbaning ketishi aniq bo‘ldi

Pol Pogba yozda Manchesterni aniq tark etadigan bo‘ldi. Bu haqda taniqli jurnalist Fabritsio Romano xabar berdi.

Ma’lumotlarga qaraganda, “Manchester Yunayted” rahbariyati frantsiyalik futbolchini “Yuventus”ga qo‘yib bborishga rozi bo‘lgan. Biroq, inglizlar Pogbaning o‘rniga Aaron Remzi yoki Adrien Raboni olishdan bosh tortgan.

Manchesterliklar birinchi navbatda, transfer uchun pul so‘rayapti. Ular yulduz darajasidagi boshqa futbolchilar variantini ham ko‘rib chiqishga tayyor.

Shartnomasi 2022 yilning yozida yakunlanadigan Pogbaga “Yuventus” asosiy da’vogar hisoblanadi. Shuningdek, PSJ va “Real” ham iste’dodli futbolchini o‘ziga chorlamoqda.