Petrov kubogi. Muxlislar "Humo"ni qutqardi

Oliy xokkey ligasi (VXL) pley-off bosqichi o‘yinlari mavsumning to‘xtab qolgan qismidan "virtual tarzda" davom ettirilishi borasida xabar bergan edik. Unga ko‘ra, har kuni VXLning ijtimoiy tarmoqlarida ovoz berish uslubida "virtual o‘yinlar" bo‘lib o‘tishi va aynan ovoz berish yakunlariga ko‘ra, g‘olib jamoa nomi e’lon qilinishi alohida qayd etib o‘tilgan edi.

Kecha esa "Zvezda" va "Humo" jamoalari o‘rtasida seriyadagi beshinchi uchrashuv "bo‘lib o‘tdi". Oliy xokkey ligasi ijtimoiy tarmoqlarida o‘tkazilgan so‘rovnoma yakunlariga ko‘ra, "qanotlilar" moskvaliklardan ustun keldilar. 3453 muxlis "Humo" uchun ovoz bergan bo‘lsa, 2699 "Zvezda"ni qo‘llab-quvvatladi.

Shu tariqa, seriyadagi hisob qisqardi - 2:3. Bugun esa seriyadagi oltinchi bahs bo‘lib o‘tmoqda.