Pedro "Chelsi" bilan xayrlashdi. Uni Rimda kutishmoqda

"Chelsi" yarim himoyachisi Pedro "Vulverxempton"ga qarshi o‘yindan so‘ng, "ko‘klar" tarkibini tark etayotgani haqida ma’lum qildi.

"Bu mening "Stemford Bridj"dagi so‘nggi o‘yinim. O‘tgan yillar mobaynidagi ajoyib qo‘llab-quvvatlash uchun klub muxlislari va jamoadoshlarimga minnatdorchilik bildiraman.

Sizlar doimo yuragimda qolasizlar. Endi Angliya Kubogi uchun kurashamiz", - deydi Pedro.

Insayder Fabritsio Romano futbolchining ushbu bayonotiga izoh sifatida futbolchini "Roma"da kutishayotganini qo‘shimcha qildi.