"Paxtakor" Masharipov bo‘yicha Qatar klublaridan rasmiy taklif oldi

Qatar maydonlarida o‘tkazilayotgan Osiyo Chempionlar ligasi musobaqasida “Paxtakor” Eronning “Istiqlol” klubini ortda qoldirib chorak finalga yo‘l olganidan barchamiz quvondik.

E’tiborlisi, “Paxtakor” futbolchilari o‘z o‘yinlari bilan xorijlik skautlarning e’tiborini tortmoqda. Jumladan, jamoaning asosiy futbolchilaridan biri Jaloliddin Masharipovga Qatarning ikkita etakchi jamoasidan rasmiy taklif tushdi. Bu haqida “Paxtakor” sport direktori Ja’far Irismetov sports.uz saytiga ma’lum qildi.

Hozircha, aynan qaysi jamoalardan taklif bo‘lganligi sir tutilmoqda. Ammo muzokaralar boshlangan. Katta ehtimol bilan Osiyo Chempionlar ligasi musobaqasidan so‘ng, Masharipovning taqdiriga oydinlik kiritiladi.

Tez orada sports.uz saytida Irismetov bilan uyushtirilgan suhbatni o‘qishingiz mumkin.