Paralimpiya. Para suzuvchilarimiz Misrda yana 2 ta oltin medalga sazovor bo‘ldi

Misr poytaxti Qohira shahrida para suzish bo‘yicha bo‘lib o‘tayotgan Qohira ochiq chempionatidan xushxabarlar kelishi davom etadi.

Bugun erkaklar o‘rtasida S6 klassida erkaklar o‘rtasida 50 metrga batterflyay usulda suzish bahslarida hamyurtimiz Sardor Baxtiyorov 37.63 soniya natija bilan marraga birinchi bo‘lib etib keldi va kumush medalga sazovor bo‘ldi.

Ta’kidlash kerakki, bu sportchimizning musobaqadagi ikkinchi medali bo‘ldi. U bundan oldin 100 metrga erkin usulda suzish bahslarida kumush medalni qo‘lga kiritgan edi.

Shuningdek, ayollar S6 klassida 50 metrga batterflyay usulda suzish bahslarida yana bir hamyurtimiz Azizaxon Karimova 1 daqiqa 23 soniya natija bilan navbatdagi oltin medalni delegatsiyamiz hisobiga qo‘shtirib qo‘ydi.