Ўзбекистон футзал терма жамоаси қийин ғалабага эришди

Бугун футзал бўйича Ўзбекистон миллий терма жамоаси Қирғиз Республикасига қарши иккинчи ҳалқаро ўртоқлик ўйини ўтказди.

Тошкентдаги "Юнусобод" спорт мажмуасида кечган баҳсда ҳамюртларимиз 2:1 ҳисобида ғалаба қозонди. Терма жамоамиздан голларга Илҳом Ҳамроев (9), Музаффар Аҳаджонов (13) муаллифлик қилган бўлса, меҳмонлардан Муҳаммед Аскарбеков (15)дарвозамизни ишғол қилди. 

Томонларнинг дастлабки тўқнашувида (кеча) вакилларимиз 4:2 ҳисобида зафар қучганди.

Ўзбекистон - Қирғиз Республикаси 2:1

Голлар: Илҳом Ҳамроев 9, Музаффар Аҳаджонов 13 - Муҳаммед Аскарбеков 15