Oybek Jo‘raev finalda qozog‘istonlik bokschiga yutqazib qo‘ydi. Endi u kumush medal va 100 ming dollarga ega chiqdi

Toshkentdagi "Humo arena"da boks bo‘yicha erkaklar o‘rtasidagi jahon chempionati o‘z poyoniga etmoqda. Bugun ikkinchi kungi final janglari o‘tkaziladi.

-54 kg vazn toifasida Oybek Jo‘raev qozog‘istonlik Maxmud Sabirxanga qarshi ringga ko‘tariladi. Bellashuv 17:00da boshlanadi.

Bokschilar ringga chiqib keldi. Hamyurtimiz ko‘k formada, uning raqibi qizil libosda harakat qiladi.

Ilk raund Maxmud Sabirxanning foydasiga hal bo‘ldi - 5:0.

Ikkinchi raundda ham hakamlar qozog‘istonlik bokschining ustunligini qayd etishdi - 4:1.

Uchinchi raundda Maxmud Sabirxan g‘alabaga erishdi - 5:0. Yakuniy hisob 5:0 qozog‘istonlik bokschi foydasiga.

Shu tariqa, hamyurtimiz jahon chempionatini kumush medal va 100 ming dollar pul mukofoti bilan yakunladi.