Oston O‘runov: "Navbahor"ga qaytish – ortga tashlangan qadam"

"Spartak" va O‘zbekiston terma jamoasi yarim himoyachisi Oston O‘runov "Gapiraman" loyihasida "Navbahor"ga qaytishi to‘g‘risidagi mish-mishlarga oydinlik kiritdi.

– Samvel Babayan jamoga kelganidan keyin, mening Namangan qaytishim haqida gap-so‘zlar chiqib ketdi.  Hech kimni xafa qilmoqchi emasman, lekin mening niyatim faoliyatimni oxirigacha chet davlatlarida yuqori saviyada o‘ynash. "Navbahor"ga keladigan bo‘lsak, qaytish ortga tashlangan qadam bo‘ladi. Maqsadim, mamlakatimizni dunyoga tanitib, terma jamoaga qo‘ldan kelgancha yordam berishni istayman", - dedi O‘runov.

Oston O‘runov mehmon bo‘lgan "Gapiraman" loyihasini quyida tomosha qilishingiz mumkin.