"Ньюкасл" бош мураббийи муҳим футболчини жамоада олиб қолмоқчи

"Ньюкасл" бош мураббийи Эдди Хоу ҳужумчи Александр Исакнинг келажаги ҳақида яна бир бор ўз фикрини билдирди. Исакнинг ажойиб ўйини уни ёзги трансферлар ойнаси олдидан Европанинг энг харидор ҳужумчиларидан бирига айлантирди. Шундай бўлса-да, директорлар кенгаши раиси Ёсир Ал-Румайян жамоа раҳбариятига футболчини сақлаб қолиш зарурлигини ва ҳатто энг катта таклифларга ҳам кўнмаслик кераклигини бир неча бор таъкидлаган.

- Мен жамоа қуришни хоҳлайман ва кейинги мавсум учун менга энг кучли таркиб керак. Умид қиламанки, бу ерда интилишга арзийдиган мақсадлар бор. Биз энг яхши футболчиларимизни сақлаб қолишни истаймиз. Ўйлайманки, мен буни аниқ тушунтирдим. Бу нафақат менинг, балки клубдаги барчанинг истаги, - деди мутахассис.

Маълумот учун, Исак жорий мавсумда 39 та ўйин ўтказиб, 26 та гол урди ва 6 та голли узатмани амалга оширди.