Нико Уильямс АПЛ грандига ўтиши мумкин

«Атлетик» клуби вингери Нико Уильямс фаолиятини Англия премьер-лигасида давом эттириш ниятида. 

Маълумотларга кўра, футболчи ўз агентига Англия чемпионати клубларидан таклиф топишни сўраган. Унинг эҳтимолий манзиллари сифатида «Арсенал» ва «Челси» клублари тилга олинмоқда.

Нико Уильямснинг «Атлетик» билан амалдаги шартномаси 2035 йил ёзигача мўлжалланган. Transfermarkt портали футболчининг бозор қийматини 40 миллион евро атрофида баҳоламоқда.

21 ёшли вингер ҳозиргача «Атлетик» таркибида 206 ўйин ўтказган. У шу вақт мобайнида 38 та гол урган ва жамоадошларига 37 марта ҳал қилувчи пас берган.