Neymar yana bir katta turnirni o‘tkazib yuboradi

Urugvayga qarshi bahsda jarohat olib uzoq muddatga safdan chiqqan Neymar yana bir katta turnirda maydonga tusha olmaydi. 

Braziliya terma jamoasi bosh doktori Lasmarning so‘zlariga ko‘ra, 31 yoshli futbolchi "Kopa-2024" chempionatini o‘tkazib yuboradi. "Neymar avgust oyining boshida safga qaytadi", - dedi mutaxassis. 

Bundan ma’lum bo‘ladiki, Neymar "Al-Hilol" tarkibida bu mavsum boshqa maydonga tushmaydi. Uning klub bilan tuzgan shartnomasi 2025 yilning yoziga qadar amal qiladi. 

Eslatib o‘tamiz, "Kopa-2024" 2024 yilning 20 iyunidan 15 iyuligacha bo‘lib o‘tadi. Endi Junior o‘rniga boshqa bir Junior (Vinisius) katta sahnaga chiqishi kerak.