"Napoli" "Portu" hujumchisini sotib olishi mumkin

"Portu" klubi hujumchisi Mussa Marega faoliyatini "Napoli"da davom ettirishi mumkin.

Football Italia nashri tarqatgan xabarga qaraganda 28 yoshli malilik futbolchining agenti neapolliklarga mijozining xizmatlarini taklif qilgan. Aytish kerakki, ushbu transfer A Seriya grandiga taxminan 30 mln evroga tushishi aytilmoqda.

Ma’lumot uchun, Marega “Portu” safida 2016 yildan buyon to‘p surib kelmoqda. U o‘tgan davr mobaynida 101ta o‘yinda maydonga tushdi va o‘z hisobiga 45ta gol hamda 19ta golli uzatma yozdirib qo‘yishga erishdi. Mali terma jamoasi safida esa 24ta o‘yinda ishtirok etib, 3ta gol urishga muvaffaq bo‘lgan.