МЮ раҳбарияти Роналду масаласида ўз қарорини маълум қилди

Сўнгги ҳафталарда матбуотда Криштиану Роналдунинг мавсумлар оралиғидаги трансфери ҳақида турли миш-мишлар тарқалмоқда. Хабар қилинишича, 37 ёшли португалиялик ҳужумчи «Манчестер Юнайтед» йўлланма ола олмаган Чемпионлар лигасида ўйнашни хоҳлайди. Қолаверса, Роналду айни дамда “иблислар”нинг трансфер кампаниясидан норози.

Роналду ПСЖ, «Бавария», «Реал» ва ҳаттоки «Челси» билан боғланган, аммо «Манчестер Юнайтед» бу ёзда португалияликни сотишни режалаштирмаяпти. Клубнинг тегишли қарори футболчига аллақачон эълон қилинган, деб ёзади ESPN ўз манбаларига таяниб.

Криштиану Роналдунинг "Манчестер Юнайтед" билан амалдаги шартномаси тугашига яна бир йил бор ва у яна бир мавсумга узайтирилиши мумкин.