MYu o‘z maydonida ochko yo‘qotdi

Angliya Premer-ligasi 20-turida "Manchester Yunayted" "Sheffild" bilan to‘qnash keldi va mag‘lub bo‘ldi.

O‘yin MYuning ustunligi ostida o‘tdi, biroq "qizil iblislar" hujumchilariga so‘nggi zarbani yo‘llashda aniqlik etishmadi. "Sheffild" esa tashkil etgan hujumlarini gol bilan yakunlay oldi. 23-daqiqada Kin Brayan hisobni ochdi. 64-daqiqada Xarri Maguayr burchak zarbasidan so‘ng, raqib darvozabonini dog‘da qoldirdi. 74-daqiqada Oliver Berk yaqin masofadan to‘pni darvozaga aniq yo‘llab, jamoasiga g‘alaba olib keldi.