Murod To‘ychiboev: “Sho‘rtan” bizning himoyadagi xatolarimizdan foydalanib ketdi”

A Pro-liganing 1-turida “Oq-tepa” safarda “Sho‘rtan”ga qarshi o‘ynadi. G‘uzorda kechgan bahsda mezbonlar 2:1 hisobidagi g‘alabani qo‘lga kiritdi. Mazkur uchrashuv borasida toshkentliklar yarim himoyachisi Murod To‘ychiboev Sports.uz internet portaliga o‘z fiklarini bildirdi.

- “Sho‘rtan”ga qarshi qiyin o‘yin kechdi. Bu jamoa doimo o‘z nomiga yarasha o‘yin namoyish etgan. Albatta, o‘yin oson kechmadi. Biz raqibga nisbatan ko‘proq vaziyatlarga ega bo‘lsak-da, omad ular tomonda bo‘ldi. Himoyada yo‘l qo‘yilgan xatolarimiz sababli, “Sho‘rtan” vaziyatlardan foydalanib ketdi va g‘alaba qozondi.

- Kelasi turda “Mash’al”ga qarshi o‘yin borasida qanday fikrdasiz?

- Keyingi o‘yinda “Mash’al”ga qarshi yana bir qiyin bahsni o‘tkazamiz. Umid qilamanki, ushbu o‘yinda g‘alaba qozonamiz. Muborakliklar ancha kuchli bo‘lmasin, biz o‘z maydonimizda g‘alaba uchun kurashamiz.