Muhammad Salohning keyingi jamoasi oshkor bo‘ldi

PSJ rahbariyati “Liverpul” to‘purari Muhammad Salohning transferini amalga oshirishga qaror qildi.

Joriy mavsum oldidan misrlik futbolchi hozirgi klubi bilan hamkorlikni 2025 yilning yarmigacha uzaytirgan edi.

Manbalarning ta’kidlashicha, liverpulliklar yozda 30 yoshli hujumchini 80 million evroga qo‘yib yuborishga rozi.

Muhammad Salo “qizillar” safida 2017 yildan beri to‘p tepmoqda va shundan buyon samarali o‘yin ko‘rsatib, klub tarixidagi eng zo‘r to‘purarlar reytingida beshinchi o‘ringa ko‘tarilib oldi.

Joriy mavsumda afrikalik futbolchining samaradorligida pasayish kuzatilyapti. U hozircha Angliya Premer-ligasida ettita gol va to‘rtta assist muallifi bo‘ldi.