Mirazizbek Mirzaxalilov: 6-7 oy boks bilan shug‘ullana olmay qolgandim

-57 kg vazn toifasida ringga chiqqan Mirazizbek Mirzaxalilov ilk bor O‘zbekiston chempionligini qo‘lga kiritdi.

"Chempionatimiz juda yaxshi o‘tmoqda. Avval O‘zbekiston chempioni bo‘lmagan edim. Keyingi maqsadim boshqa xalqaro musobaqalarda ham mana shunday medallarni qo‘lga kiritish.

Raqibim yosh bo‘lishiga qaramay, juda kuchli harakat qildi. Unga qarshi o‘z taktikamni o‘zgartirishga majbur bo‘ldim. Shuningdek, 6-7 oy boks bilan shug‘ullana olmay qolgandim. Bu ham o‘z ta’sirini ko‘rsatdi".