"Milan"ni kim boshqarishi mumkin?

Italiyaning "Milan" klubi jamoa bosh murabbiyi Marko Jampaoloni ishdan bo‘shatish variantini ko‘rib chiqmoqda.

"Rossonerilar" A Seriyaning 7-turida "Jenoa"ni 2:1 hisobida mag‘lub etishdi. Ushbu g‘alaba ham Jampaoloning lavozimini saqlab qolishga yordam bermasligi mumkin.

Klub bosh murabbiyligiga Luchano Spaletti va Stefano Pioli asosiy nomzod sifatida ko‘rilmoqda. Bundan tashqari, Klaudio Raneri va Rudi Garsiya nomzodlari ham ko‘rib chiqilmoqda.

Ma’lum bo‘lishicha, jamoaga Jennaro Gattuzo qaytishi ham mumkin. Faqat klubning ayrim rahbariyatlari ishdan ketishlari kerak bo‘ladi.