"Milan" "Real" futbolchisini o‘zida olib qolmoqchi

"Milan" rahbariyati "Real"dan ijaraga olingan hujumchi Braim Diasning kelajagi borasida bir qarorga keldi.

Calciomercato nashrining yozishicha, "rossonerilar" 22 yoshli futbolchining transferini “Qirollik klubi”dan to‘liq sotib olishga qaror qilgan. Tomonlar o‘rtasidagi kelishuvga ko‘ra, "Milan"da Diasni sotib olish huquqi mavjud. Ammo baribir yakuniy qarorni "Real" qabul qiladi.

Braim Dias joriy mavsum “Milan” safida jami 9 ta o‘yinda maydonga tushdi. U ushbu uchrashuvlarda o‘z hisobiga 4 ta gol hamda 2 ta assist yozdirib qo‘ydi.