Messi rekordlarni zabt etishda davom etadi

Jahon chempionati chorak final bahsi doirasidagi Argentina - Niderlandiya o‘yini janubiy amerikaliklarning g‘alabasi bilan yakunlandi. Shuningdek, argentinaliklar sardori Lionel Messi jahon chempionati tarixiga kirdi.

Nauel Molinaga bergan golli uzatma Messi uchun mundiallar pley-off bosqichidagi beshinchisi bo‘ldi va u Pelening rekordini yangiladi. Pele hisobida esa to‘rtta golli pas mavjud.

Eslatib o‘tamiz, Lionel Skaloni shogirdlari yarim finalda Xorvatiya bilan to‘qnash keladi.