Messi “Oltin to‘p” kerak bo‘lsa, mana shu jamoada o‘ynaysan!

Lionel Messining biografi Gilem Balage agar argentinalik hujumchi shu paytga qadar etti marta qo‘lga kiritilgan “Oltin to‘p” sovrinini ko‘paytirmoqchi bo‘lsa, PSJda qolishi kerakligini uqtirmoqda.

Lionel Messi o‘tgan mavsumdagi past ko‘rsatkichlaridan qutildi. Endi u “Barselona”da qayd etgan natijalariga yaqinlashib bormoqda. PSJdagi ishlari yurishib ketgan. 

Argentinalik yulduz ayni paytda kuchli beshlik chempionatlarida gol urish va golli pas uzatish bo‘yicha o‘nlik marradan o‘tgan yagona futbolchi hisoblanadi.

- Agar PSJ unga 1+1 ko‘rinishida shartnoma taklif qilsa, Messi uni imzolaydi. Leoning o‘zi vaziyat oydinlashishi uchun jahon chempionatini kutmoqda. Agar u yana bir bor “Oltin to‘p”ni olmoqchi bo‘lsa, Frantsiyada qolgani ma’qul, - dedi Gilem Balage.