Mbappe Frantsiya terma jamoasi sardori bo‘lgani haqida gapirdi

Frantsiya terma jamoasining yulduzli hujumchisi Kilian Mbappe terma jamoada sardorlik bog‘ichini olgandan keyin o‘z his-tuyg‘ulari haqida gapirdi.

“Men terma jamoa sardori bo‘lish haqida o‘ylamagandim. Bosh murabbiy oldimga kelib, bu haqda shaxsan o‘zi aytdi. Frantsiya terma jamoasida sardorlik bog‘ichini taqish juda katta mas’uliyat”, - deya Mbappening so‘zlarini keltiradi "TF1".

Mbappe Frantsiya terma jamoasi darvozaboni Ugo Loris terma jamoadan ketganidan so‘ng yangi sardorga aylandi. 24 yoshli forvard "uch ranglilar" safida 68 ta o‘yin o‘tkazib, 38 ta gol urgan.