Мане: "Мен Салоҳдан омадлироқман"

Сенегал терма жамоаси вингери Садио Мане Миср устидан қозонилган ғалабадан сўнг ўз фикрларини билдирди. Айтишича, унинг катта орзуси амалга ошди.

"Мен Салоҳга қарши ўйинларда икки марта, у эса бир марта ғалаба қозонди. Бу борада мен омадлироқ эканман.

Шунингдек, Африка миллатлар кубогида чемпион бўлганимиз ва Жаҳон чемпионатига йўл олганимиздан фахрланаман. Бу менинг катта орзуларимдан бири эди.  

Миср учун ҳам, биз учун ҳам кечаги баҳс оғир ўтди. Бироқ мухлисларимизнинг қўллаб-қувватлаши бизга куч берди", - деди "Ливерпуль" футболчиси.