Манчестерликлар энди “Реал” юлдузини олади

“Манчестер Юнайтед” таркибини катта клубларда ўйнаш тажрибасига эга ўйинчилар билан кучайтиришга қарор қилди.

Fichajes нашрининг маълум қилишича, манчестерликлар “Реал” ҳужумкор футболчиси Браим Диасни нишонга олган.

Англия клуби мутасаддилари бу футболчи олдинги чизиққа креативлик олиб киришига ишонч билдиряпти.

Манбага кўра, “Манчестер Юнайтед” мутасаддилари 25 ёшли футболчи бўйича мадридликларга ёқадиган сумма кўрсатилган таклиф тайёрлаб қўйган.

“Реал” билан шартномаси 2027 йилнинг ёзигача давом этадиган Браим Диас Transfermarkt портали томонидан 35 миллион еврога баҳоланмоқда.