"Манчестер Сити" ҳужумчиси нега "Тоттенхэм"га кетмади?

"Манчестер Сити"нинг бразилиялик вингери нега Лондоннинг "Тоттенхем" клубига ўтмагани маълум бўлди.

El Nacional нашрининг ёзишича, ёзги трансферлар вақтида "Манчестер Сити" бош мураббийи Хосеп Гвардиоланинг шахсан ўзи клуб спорт директори Уго Вианага мурожаат қилиб, Савио бўйича ҳеч қандай таклифни кўриб чиқмасликни сўраган. Футболчига "Тоттенхэм" ва "Барселона" қизиқиш билдираётган эди.

Бу мавсумда 21 ёшли ҳужумчи ҳали майдонга асосий таркибда тушгани йўқ. Унинг "шаҳарликлар" билан амалдаги шартномаси 2029 йилга қадар имзоланган. Transfermarkt портали маълумотларига кўра, бразилияликнинг нархи 50 миллион еврони ташкил этади.