Madridliklar bu futbolchi uchun eng qimmat yulduzini beradi

Diario Gol nashrining xabar berishicha “Atletiko” rahbariyati “Chelsi” futbolchisi Meyson Mauntning transferiga jiddiy qiziqib qolgan.

Angliyalik yarim himoyachini qo‘lga kiritish uchun madridliklar o‘zining eng qimmatga olingan futbolchisi Joau Feliksni Londonga jo‘natishga va unga ma’lum miqdorda pul ham qo‘shib berishga tayyor.

“Atletiko” bosh murabbiyi Diego Simeone Meyson Mauntni olib kelib, uning atrofida jangovar tarkibni shakllashtirmoqchi. Argentinalik mutaxassis rejasiga ko‘ra, bu jamoa yaqin kelajakda “Real” va “Barselona” etakchiligiga barham berishi kerak.

Madridliklar “Chelsi” 22 yoshli futbolchisini o‘z safida olib qolishga harakat qilayotanini biladi. Biroq ular transferga Joau Feliksning qo‘shilishi vaziyatni “matraschilar” foydasiga o‘zgartirishiga ishonmoqda.

“Atletiko” 2019 yilda portugaliyalik hujumchi uchun 120 million evro to‘lagan edi. Shundan beri Feliks madridliklar safida 87 ta uchrashuvda qatnashib, 20 ta gol urdi va 11 ta golli pas oshirdi.