Lyubinko Drulovich O‘zbekiston terma jamoalari nega oxirgi daqiqalarda mag‘lubiyatga uchrashi borasidagi savolga javob berdi

Osiyo chempionati yarim finalidan o‘rin olgan Saudiya Arabistoni - O‘zbekiston uchrashuvidan keyin tashkil etilgan matbuot anjumanida dastlab Lyubinko Drulovich ishtirok etdi.

- Qiyin o‘yin bo‘ldi. Har ikki jamoa uchun. Balki bu raqib bizdan ko‘ra bir kun ko‘p dam olgani uchun g‘alaba qozongandir. Bizda ham vaziyatlar bo‘ldi. Birgina Bobir Abdixoliqovda bir nechta qulay imkoniyatlar yaratildi. Ammo u bulardan foydalana olmadi. G‘alaba bilan saudiyaliklarni tabriklayman.

Nega O‘zbekiston terma jamoalari oxirgi daqiqalarda mag‘lubiyatga uchraydi? Bu savolga aniq bir javob berish qiyin. Bu o‘yin misolida aytadigan bo‘lsam, Azizjon G‘aniev to‘pni yo‘qotdi va to‘p raqib futbolchisiga borib turshi. Saudiyalik o‘yinchining zarbasi esa gol bilan yakunlandi. Futbolda bunday xatolar uchrab turadi. Futbol shunisi bilan qiziq. Lekin bo‘lar ish bo‘ldi. Endi e’tiborimizni 3-o‘rin uchun bellashuvga qaratishimiz kerak. Bu juda ham muhim bahs.

Birinchi navbatda odam o‘ziga ishonishi shart. Chunki inson ishonch sari odimlaydi. Oldindagi 2-3 kun futbolchilarni tayyorlashimiz, ularning ruhiy holatini yaxshilashimiz kerak. Bizdan butun O‘zbekiston xalqi g‘alaba kutmoqda. O‘ylaymanki, oxirgi uchrashuvda biz, albatta, Olimpiada yo‘llanmasini qo‘lga kiritamiz. Buning uchun bor kuchimizni sarflaymiz, - dedi murabbiy.