"Lester" o‘z etakchisini "Manchester Yunayted"ga qo‘yib yubormoqchi emas

“Lester” xavbeki Jeyms Meddison tez orada klub bilan amaldagi shartnomasini uzaytirishi mumkin. Bu haqda Manchester Evening News nashri xabar bermoqda.

Eslatib o‘tish lozimki, bundan avvalroq 22 yoshli futbolchini “Manchester Yunayted” o‘z safiga qo‘shib olmoqchiligi haqida xabarlar tarqalgan edi. Biroq, “tulkilar” etakchi futbolchisini qo‘yib yuborishmoqchi emas.

Ma’lumot uchun, Jeyms “Lester” safida 2018 yildan buyon to‘p surib kelmoqda. U joriy mavsum APLda jami 11 ta o‘yinda maydonga tushdi va 4 ta gol hamda 2 ta golli uzatmaga mualliflik qilishga erishdi. Uning klub bilan amaldagi shartnomasi esa 2023 yilga qadar imzolangan.