Лапорта: Клуб – футболчилар, мураббий ва директорлардан устун
"Барселона" президенти Жоан Лапорта ҳужумчи Лионель Мессининг клубдан кетишига бағишланган матбуот анжуманида иштирок этди ва қуйидаги фикрларни билдириб ўтди.
"Мен бу ерга Месси атрофидаги вазиятни тушунтириш учун келдим. Афсуски, молиявий аҳволимиз жуда ёмон. Даромадимизнинг 110% фоизи маошларга сарфланади. Бу шуни англатадики, бизда ҳаракат қилишнинг имкони йўқ.
Вазият биз айтганимиздан ҳам ёмонроқ. Қарзлар кутилганидан зиёд. Албатта, бу молиявий фейр-плей билан боғлиқ. Месси билан тузилган янги шартнома тасдиқланмади.
Шу нуқтаи назардан, Ла Лига талаб қилган келишувга қўшилмаймиз, чунки бу бизни ярим асрга қарз қилиб қўяди. Клуб – футболчилар, мураббий ва директорлардан устун", - деди Лапорта.
Фикрлар