Kurtua "Real"dagi tarixiy rekordni yangilashiga bir qadam qoldi

“Real” Madrid kecha La Liganing 35-turida “Alaves” ustidan 2:0 hisobida g‘alaba qozondi.

Ketma-ket 5 ta o‘yindan buyon o‘z darvozasi daxlsizligini saqlab kelayotgan Tibo Kurtua kechagi o‘yindan so‘ng mavsumdagi quruq seriyasini 18 taga etkazib oldi.

“Real”da bir mavsumda eng ko‘p quruq o‘yin o‘tkazgan darvozabon esa Fransisko Buyo hisoblanadi. U 1986/87 yilgi mavsumda 19 ta o‘yinda gol o‘tkazmagan.

Endi belgiyalik posbon ushbu rekordga etib olishi uchun yana bir o‘yinda o‘z darvozasi daxlsizligini saqlay olsa kifoya.