Kroos yana sobiq jamoasiga qaytadimi?

Myunxenning "Bavariya" klubi "Real" Madrid xavbeki Toni Kroosni sotib olmoqchi. Bu haqda El Chiringuito nashri xabar tarqatmoqda.

Yuqoridagi manbaga ko‘ra nemis grandi vakillari allaqachon bu borada 30 yoshli germaniyalik futbolchining agenti bilan muzokaralarni boshlab yuborishgan. Aytish kerakki Kroos uchun "Bavariya" begona emas. U 2007-2014 yillarda ushbu jamoa sharafini himoya qilgan.

Eslatib o‘tamiz, bundan avvalroq Kroos faoliyatini "Real"da yakunlash istagida ekani haqida aytib o‘tgan edi. U joriy mavsum 33 ta o‘yinda maydonga tushdi va o‘z hisobiga 5 ta gol hamda 9 ta golli uzatma yozdirib qo‘yishga erishdi. Uning "qirollik klubi" bilan amaldagi shartnomasi 2023 yilga qadar imzolangan.