Жирунинг Мбаппе билан зиддиятлари борми?

Франциялик ҳужумчи Оливье Жиру жаҳон чемпионати 1/8 финали доирасидаги Польша билан ўйиндан (3:1) кейин Килиан Мбаппе билан муносабатлари ҳақида гапирди.

Аввалроқ матбуотда ўйинчилар ўртасида зиддият борлиги хабар қилинган эди.

«Ўйин бошида Килианнинг бир ёки иккита узатмасини голга айлантира олмаганимдан хафаман. Мен бу голларни уришни хоҳлаган эдим.

Ҳаммаси ажойиб, у мени чиройли ассистлари билан жуда ҳам қулай вазиятларга чиқариб юборади. Орамизда ҳеч қандай зиддият йўқ. Бизнинг бир таркибда ўйнаётганимиздан кўнглимиз тўқ», - дея Жирунинг сўзларидан иқтибос келтирди "beIN Sports".