Jiru: O‘zimni ajoyib his qilmoqdaman. Xuddi "yaxshi sharob" singari

“D” guruhining 1-turidan o‘rin olgan Frantsiya – Avstraliya uchrashuvida Olive Jiru ikkita gol urdi. Gollari sonini 51 taga etkazib olgan hujumchi Frantsiya termasi tarixidagi eng yaxshi to‘purar hisoblangan Terri Anriga etib oldi. Bu haqda futbolchining o‘zi gapirdi:

“Bu aql-bovar qilmas ish bo‘ldi. Biz jahon chempionatida bundan yaxshi startga umid qila olmasdik. Men hali ham ochman. Agar shunday davom etsam, terma jamoaga yordam berish uchun bor kuchimni beraman. O‘zimni ajoyib his qilmoqdaman. Xuddi "yaxshi sharob" singari.

Frantsiyani ajoyib g‘alabadan so‘ng, Daniya va Tunis terma jamoalariga qarshi uchrashuvlar kutmoqda.