ЖЧ-2022. Месси Мексикага қарши ўйинда майдонга тушолмаслиги мумкин

Аргентина миллий терма жамоаси юлдузи Лионель Месси Жаҳон чемпионати 2-туридан ўрин олган баҳсни ўтказиб юбориши мумкин.

Гап шундаки, 7 карра "Олтин тўп" соҳиби пайшанба кунги умумий гуруҳ машғулотларида иштирок этмаган. У индивидуал тарзда шуғулланмоқда, бу Леони жароҳатдан эҳтиёт қилиш мақсадида амалга оширилган бўлиши ҳам мумкин.

Бироқ хабар берилишича, унинг чап оёғи товон мушакларида муаммо бор. Аниқ маълумот ҳали эълон қилинмади. Агар барчаси жойида бўлмаса, Месси Аргентина МТЖнинг Мексикага қарши ўйинида майдонга туша олмаслиги мумкин.

Беллашув 26-дан 27 ноябрга ўтар кечаси Тошкент вақти билан соат 00:00 да старт олади.