Iqboljon Xoldorov Bobousmon Baturov bilan janjallashuvi aks etgan videoga o‘z munosabatini bildirdi

Ijtimoiy tarmoqlarda ikki ajoyib bokschimiz Iqboljon Xoldorov va Bobousmon Baturovning mashg‘ulot jarayonida rostmana mushtlashib ketgan videosi tarqalgandi. Albatta, shlemda bo‘lganligi uchun tanish biroz qiyin bo‘lsa-da, aynan ikki bokschi ekanligi haqida gap-so‘zlar bo‘ldi. Biz ushbu vaziyatga oydinlik kiritish maqsadida Iqboljon Xoldorov bilan bog‘landik.

“To‘g‘ri, mashg‘ulotlarda shunday holat yuzaga kelgan edi. Ozgina tortishib qolgandik”,-deya o‘z munosbatini bildirdi Xoldorov.

Ma’lumot uchun, Iqboljon Xoldorov  64 kg vazn toifasida jahon chempionati kumush medal sohibi, 2017 yil Osiyo chempioni va 2018 yil Osiyo o‘yinlari g‘olibligini qo‘lga kiritgan. Hozirda, professional boksga o‘tish arafasida.