Икардининг агенти аргентиналик ҳужумчининг РПЛга ўтишини истисно этмади

Аргентиналик ҳужумчи Мауро Икарди фаолиятини Россия Премьер-лигасида давом эттириши мумкин. Футболчининг агенти Россия клубига ўтиш эҳтимолини истисно этмади.

«Мауро Икарди РПЛ клубига ўтишга тайёрми? Албатта, агар муносиб таклиф тушса, Россия Мауронинг фаолиятини давом эттириши учун яхши вариант бўлиши мумкин», — дея агентнинг сўзларини келтирмоқда Sport24.

Маълумот учун, 33 ёшли Мауро Икарди «Барселона» академияси тарбияланувчиси ҳисобланади. Фаолияти давомида у «Интер», ПСЖ ва «Галатасарой» каби клубларда тўп сурган.

Аргентиналик ҳужумчи ёздан буён эркин агент мақомида. Transfermarkt портали унинг бозор қийматини 3 миллион еврога баҳоламоқда.