Ikardi PSJda o‘ynab ham “Inter”ga foyda keltiradi
“Inter” argentinalik hujumchisi Mauro Ikardining transferidan juda oqilona foydalandi. Futbolchini avvaliga PSJga ijaraga bergan milanliklar endi uni mo‘maygina summaga pulladi.
Parij klubi Ikardi uchun 50 million evrodan tashqari turli bonuslar ko‘rinishida yana 7 million evro to‘laydigan bo‘ldi. Endi omma e’tiboriga bu transferning yana bir tomoni oshkor bo‘ldi.
Unga ko‘ra, agar Mauro Ikardi kelajakda Italiya klubiga o‘tadigan bo‘lsa, PSJ qo‘shimcha tarzda “Inter”ga yana 15 million evro to‘laydi.
Chunki, argentinalik 27 yoshli futbolchi parijliklar tarkibiga borib qo‘shilganidan keyin, “Inter”ning ashaddiy raqiblari – “Yuventus” va “Napoli” hujumchini PSJdan xarid qilishi haqida xabarlar ham tarqalgan edi.
Fikrlar