Ibrohimovich o‘rniga yangi yulduz keladi

“Milan” rahbariyati yozgi transferlar vaqtida faxriy futbolchi Zlatan Ibrohimovich o‘rnini bosa oladigan hujumchi oladigan bo‘ldi.

Milanliklar nishonida argentinalik to‘purar Mauro Ikardi bor. Bu futbolchi A Seriyada o‘ynash tajribasiga ega. U o‘z vaqtida, “Inter”da porlagan va keyinchalik PSJga o‘tib ketgan edi.

“Milan” Mauro Ikardi keyingi besh yilda jamoaning asosiy hujumchisi sifatida to‘p tepishini istamoqda.

Ikardining o‘zi ham Parij klubini tark etib, Italiyaga qaytish fikrini ilgari surmoqda. Chunki hujumchi PSJdagi kuchli raqobat tufayli o‘zi istaganidek o‘yin amaliyotiga ega bo‘lmayapti. Joriy mavsumda Ikardi 19 ta uchrashuvda maydonga tushib, ettita gol urdi.