"Humo" safarda peshqadamlardan biriga qarshi og‘ir o‘yin o‘tkazdi

Qozog‘iston chempionatida ishtirok etayotgan "Humo" xokkey klubi navbatdagi o‘yinda muzga chiqdi.

Atirauning "Beybaris" jamoasiga qarshi kechgan bellashuvda vakillarimiz 4:7 hisobida imkoniyatni boy berdi. "Qanotlilar" safida Shingareev, Legalin, Kravchenko va Ignatushkin shayba kiritdi. Bunga mezbonlar tarkibida Ananichev, Teslenko (dubl), Vorobyov, Burdelyov (dubl) hamda Kuznetsov javob qaytardi.

Shu tariqa, Evgeniy Popixin shogirdlari 4 uchrashuvdan so‘ng 4 ochko jamg‘argan holda, 9-o‘rinda bormoqda.