"Ҳумо" КХЛ клубига имкон қолдирмади (фото+видео)
Shahzod
Олдин хабар бериб ўтганимиздек, айни кунларда Россия Федерациясининг Нижегород вилоятида Губернатор кубоги турнири бўлиб ўтмоқда.
Унда Тошкентнинг "Ҳумо" хоккей клуби ҳам иштирок этмоқда. Илк турда Минскнинг "Динамо" жамоасига 3:6 ҳисобида имкониятни бой берган Евгений Попихин шогирдлари кеча маҳаллий "Торпедо" клубига қарши музга чиқишди.
Қизиқарли ва томошабоп тарзда кечган учрашувда "Ҳумо" хоккейчилари КХЛда иштирок этадиган "Торпедо" жамоаси устидан 3:0 ҳисоби устун келишди. Голларга Денис Мошаров, Артём Воронин ва Семён Валуйксийлар муаллифлик қилишди. Шу тариқа, тошкентликлар ҳисобидаги очколар сони 2 тага етди ва жамоа турнир жадвалида 3-ўринга кўтарилиб олди. Эртага эса улар Москванинг "Динамо" жамоасига қарши баҳс олиб боришади.
Torpedo vs Khumo
1 / 15
Изоҳлар (0)