Gvaridolaga Saudiya klubi taklif bilan chiqdi

"Manchester Siti" bosh murabbiyi Xosep Gvardiola 2024/2025 yilgi mavsum yakunida jamoani tark etishi mumkin. Bu haqda "El Nacional" nashri xabar bermoqda.

Manbaga ko‘ra, ispaniyalik mutaxassis Saudiya Arabistoni chempionatida ishlash imkoniyatiga ega. Pepga nomi ochiqlanmagan klub taklif bilan chiqdi. Gvardiolaga juda yaxshi moliyaviy shartlar taklif qilingan, bu uning Manchesterdagi maoshidan bir necha baravar yuqori.

Eslatib o‘tamiz, 54 yoshli murabbiy "Manchester Siti"da 2016 yilning yozidan buyon ishlab kelmoqda. Xosep va "shaharliklar" o‘rtasidagi amaldagi mehnat shartnomasi 2027 yil iyun oyi oxirida tugaydi.