Гвардиола ўзини Моуриньо билан таққослаганларга кескин жавоб қайтарди

Англия Премьер-лигаси доирасида “Манчестер Сити”нинг “Арсенал”га қарши ўтказган учрашуви муҳокамаларга сабаб бўлмоқда. Гап шундаки, “Эмирейтс”даги ўйинда Хосеп Гвардиола шогирдлари ўйин вақтининг атиги 33 фоизида тўпга эгалик қилди.

Бу испаниялик мутахассис миллий лигалардаги мураббийлик фаолиятида қайд этган энг паст кўрсаткич бўлди. Танқидчилар Гвардиоланинг бу тактикасини танқид қилиб, уни Жозе Моуриньо билан таққослади. Бу Пепга ёқмади.

-   АПЛда ғолиб чиққанимизда ҳам бизни зерикарли жамоага чиқаргансизлар, тўғрими? Балки келажакда футболчилар мен бу мавсумда қанчалар ўзгарганимни айтиб беришар. Чунки улар ҳар бир учрашувда, ҳамма мажлисда иштирок этади. Улардан сўрашингиз мумкин.

Ўйлашимча, ҳеч нарса ўзгармаган. “Наполи”га қарши бошқача ўйнадикми? Йўқ, албатта. Орадан уч кун ўтиб, тактикани ўзгартирдикми? Жин урсин, наҳотки мен уч кун ичида ҳамма нарсани ўзгартира олган бўлсам. Унақада мен ҳақиқатан зўр мураббий эканман, - деди Хосеп Гвардиола.