Гвардиола: "Кеча Маҳрез умуман бошқа даражада эди"

Хосеп Гвардиола "Челси" устидан қозонилган ғалабадан сўнг Риёд Маҳрезни мақтади. Хабарингиз бор, кеча "Манчестер Сити" Англия кубоги доирасида "Челси"ни йирик 4:0 ҳисобида мағлуб этди ва унда Маҳрез дублга эришди. 

"Шогирдларим ўйинида босқичма-босқич ўсиш кузатиляпти, айниқса, Маҳрезда буни яққол кўриш мумкин. У ҳозир энг яхши ҳолатда эмас, лекин, албатта, яхшиланиб боради. Эҳтимол, у ёзда айрим муаммоларга дуч келгандир.

Риёд бизга "Челси"га қарши ўйинда катта ёрдам берди. Унинг футболни севиши жуда муҳим, айни дам интенсив суръатда машқ қилмоқда. Кеча Маҳрез умуман бошқа даражада эди", - дейди Гвардиола.