Геннадий Головкин Дервянчекони биринчи раундда нокаут қилмоқчи

Ўрта вазн тоифасидаги собиқ жаҳон чемпиони Геннадий Головкин биринчи раундда Сергей Деревянченкони нокаутга учратиши мумкинлигини айтди.

"Мен сизга шанба куни янги услубни кўрсатмоқчиман. Ҳар доимгидек менинг жангим драматик шоу тарзида ўтади. Aгар у менга 1 ва 2 -раундларда имконият бериб қўйса, унда жанг тугайди.

Деревянченкони мағлуб қилсам, катта жанглар учун йўл очилади. Мен катта жангларни хоҳлайман. Агар, мен билан супер ўрта вазн тоифасидаги машҳур номлар жанг қилмоқчи бўлса, бунга тайёрман ”, - деди Головкин.

Головкин - Деревянченко жанги 6 октабрга ўтар кечаси Нью-Йоркда бўлиб ўтади.