Futzal bo‘yicha Jahon chempionatiga tayyorgarlik qizg‘in davom etmoqda

2024 yili yurtimizda o‘tkaziladigan futzal bo‘yicha Jahon chempionati oldidan mavjud infratuzilmalarni xalqaro standartlarga etkazish bo‘yicha etakchi kompaniyalar bilan muzokaralar olib borilmoqda.

Bugun O‘FA rahbariyati futzal maydonlari qoplamasini ishlab chiqaruvchi Xitoyning “Jadeqi” kompaniyasi vakillari bilan uchrashdi. Muzokaralar davomida Jahon chempionatiga qadar futzal maydonlari, tomoshabinlar o‘rindiqlari, komplekslar sharoitlarini FIFA talablariga moslashtirish bo‘yicha fikr almashildi.