Formula-1 poygalari qisqarishi mumkin

Formula-1 rahbari Stefano Domenikali chempionatda asosiy poygalar davomiyligi qisqarishi mumkinligini istisno qilmadi,  hozirda  poygalar davomiyligi 300 km atrofida.

"Hozirgi poygalar yosh tomoshabinlar uchun juda uzoq davom etishi mumkin. Ko‘plab kanallarimizda eng yaxshi lahzalar haqida sharhlar katta muvaffaqiyat qozonayotganini ko‘ryapmiz. Hozirgi formatda ulg‘aygan biz uchun hammasi ajoyib, ammo tomoshabinlarning katta qismi faqat asosiy lahzalarni ko‘rishni xohlaydi.

Hozir hammasi yaxshi ketyapti, lekin aynan shuning uchun ham biz xotirjamlikka berilmasligimiz kerak. Keyingi qadam haqida o‘ylashimiz kerak", - deya Domenikali so‘zlarini keltirmoqda Motorsport.