Фермин Лопес "Валенсия"га қарши йирик ғалабадан сўнг ўз фикрлари билан ўртоқлашди

"Барселона" Ла Лиганинг 4-турида "Валенсия"ни 6:0 ҳисобида мағлуб этди. Дубль қайд этган хавбек Фермин Лопес ўйиндан кейин ўз фикрларини билдирди.

"Ўйин боши оғир бўлди. Якуний ҳисоб эса биз қаерда турганимизни яққол кўрсатиб турибди.

Бизда ўтган мавсумдаги каби мақсад бор – олға интилиш, интенсив ва камтарона ҳаракат қилиш. Тўғри йўлдамиз, шу руҳда давом этишимиз керак", – деди Лопес.

4-турдан сўнг "Барселона" 10 очко тўплаб, турнир жадвалида "Реал"дан икки очко ортда бўлиб, иккинчи ўринни эгаллаб турибди.