Fayzullaev “Real” –“Siti” o‘yinida qaysi jamoa yutishini aytdi!

Futbol jamoatchiligi tez orada boshlanadigan “Real” va “Manchester Siti” o‘rtasidagi Evropa Chempionlar ligasi pley-off bosqichi javob uchrashuvini kutmoqda.

TsSKA yulduzi Abbosbek Fayzullaev bu uchrashuvdan nimalar kutayotganini aytib o‘tdi.

- “Manchester Siti” hozir qiyin davrlarni boshdan o‘tkao‘moqda. Ularda jarohatlanganlar juda ko‘p. Birinchi o‘yinni ko‘rgandim.

“Real” baribir Chempionlar ligasining qiroli.  Ular har doim nimalargadir erishib keladi. Agar ular 0:2 hisobida yutqazayotgan bo‘lsa ham, odam bu jamoa kambek qilishga qodirligiga ishonib, shuni kutadi. Chunki ular buni ko‘p bor uddalagan.

Bir so‘z bilan aytganda, “Real” bu “Real”. Bu jamoa dastlabki uchrashuvda 3:2 hisobida zafar quchgan va javob o‘yinini o‘z uyida o‘tkazishi ham ularning imkoniyatini oshiradi.

Lekin barchamiz “Manchester Siti” yutishini va Abduqodir Husanov keyingi bosqichga chiqishini istaymiz, - dedi Abbosbek Fayzullaev.