Faxriy dzyudochilarimiz Moskvadan medallar bilan qaytishdi

Rossiya Federatsiyasi poytaxti Moskva shahrida dzyudo bo‘yicha faxriylar o‘rtasida xalqaro turnir bo‘lib o‘tdi.

Ulyanov viloyati gubernatori sovrini uchun o‘tkazilgan Rossiya Ochiq chempionatida mezbonlar tashqari, O‘zbekiston, Qozog‘iston, Tojikiston, Armaniston, Ozarbayjon kabi davlatlardan faxriy dzyudochilar ishtirok etdi.

Quvonarlisi, hamyurtlarimizdan uch nafari musobaqa yakunida shohsupaga ko‘tarildi. Dilshod Choriev va Sergey Petryanin barcha raqiblarini engib, oltin medal sohibiga aylangan bo‘lsa, Rustam Saidov bronza medalini qo‘lga kiritdi.

O‘zbekiston dzyudo federatsiyasi matbuot xizmati