Dzyudo. Jahon chempionatida yana ikki medal qo‘lga kiritildi

Dzyudochilarimizning Bosniya va Gersegovinada o‘tayotgan kadetlar o‘rtasidagi jahon chempionatida muvaffaqiyatli ishtiroki davom etadi.

Ortda qolgan navbatdagi kunda yana ikki nafar vakilimiz shohsupaga ko‘tarildi. -66 kg vazn toifasida Shohjahon Otaboev, -52 kgda So‘g‘diyona Rafkatova kumush medalga sazovor bo‘lishdi. Otaboev va Rafkatova finalgacha bo‘lgan yo‘lni mardonavor bosib o‘tishdi, ammo hal qiluvchi bahsda ularga biroz omad etishmadi.